هل انت ابن عوائل؟ تحشيشة

زائر

هل انت ابن عوائل؟ سؤال يطرح نفسه
اذا خمس نقاط او اكثر انطبقت عليك فمبروك انت ابن عوائل
ومثل ما يكول ابو المثل"عذبوني ولد العوائل"

- اذا اربع وعشرين ساعة لابس رسمي وطاك المناظر (لازم ماركة) ومعلك السويج...فانت ابن عوائل

اذا تحجي اكثر من كلمتين انكليزي باليوم ...فانت ابن عوائل

- اذا مغيرة لون شعرج اكثر من 3 مرات ...فانتي بنت عوائل

- اذا مسافر بحياتك اكثر من 3 دول ... فانت ابن عوائل

- اذا مصوت لستار اكاديمي قبل... فانت ابن عوائل

-
اذا عندج اكثر من 3 قطع (ماكس فاكتر) او (لانكوم) ...فانتي بنت عوائل

- اذا كنت احد عشاق سامو زين ... فانت ابن عوائل

- اذا ما سامع رعد الناصري قبل ...فانت ابن عوائل

- اذا تنعزم اكثر من ميلاد او عرس بالشهر ...فانت ابن عوائل

- _اذا 24 ساعة طاك السماعة البلوتوث ... فانت ابن عوائل

- اذا اكو بجيبك كلينكس (فاين) ...فانت ابن عوائل

- اذا تتابعين برنامج بالصراحة (كثير احلى) على الام بي سي ...فانتي بنت عوائل

- اذا تكتب نوتس ورا الدكتور بالمحاضرة ...فانت ابن عوائل

- اذا انت اسكيمو ...فانت ابن عوائل واذا ما تعرف معنى اسكيمو ...فانت ابن عوائل

- اذا ما لاعب طوبة حافي ولا مفجوخ ... فانت ابن عوائل

- اذا ما ماكلة باجة وتلعب نفسج من التشريب ... فانتي بنت عوائل

- اذا تجذب اقل من 3 جذبات باليوم ...فانت ابن عوائل

- اذا تتردد على مكان للعوائل فقط ... فانت اكيد ابن عوائل

- اذا ما تتصيد بالماء العكر (خاص بالشلة)... فانت ابن عوائل

- اذا تعوف اكثر من نص دينار (0.7$) اكرامية ... فانت ابن عوائل

- اذا تلبس شورت بالجامعة وحذاء بلا جواريب ... فانت ابن عوائل

- اذا تحضرين هدومج للدوام من الليل... فانتي بنت عوائل

- اذا موبايلك بيه رصيد اكثر من3 دنانير (4.2$) ...فانت ابن عوائل

- بالدومنة اذا بيدك الهب بياض وما تربط ... فانت ابن عوائل

- اذا جوازك جي ... فانت ابن عوائل عندك واسطة

- اذا ما ضارب اشارة قبل..وتمشي 80 بشارع الاردن...فانت ابن عوائل

- اذا تعدلين المكياج اكثر من مرتين خلال الدوام... فانتي بنت عوائل

- اذا تتريك يومية ... فانت ابن عوائل

- اذا تصعد البنطرون فوك الصرة ... فانت ابن عوائل

- اذا مضروب بوري وما فكتك الصفنة اسبوع ... فانت ابن عوائل

- اذا مربي حيوان بالبيت (حشى المطيرجية) ... فانت ابن عوائل

- اذا لونج المفضل هو البنكي ... فانتي بنت عوائل

- اذا ما تحدد السكسوكة الا يم الحلاق ... فانت ابن عوئل

- اذا ما رايح للروابي ... فانت ابن عوائل ما رايح لسوريا

- اذا لابسة جواريب كصيرة للجعب وياها بوتين ...فانتي بنت عوائل

- اذا ما لازم سرة عالخبز قبل ...فانت ابن عوائل

- اذا ما تاكل تشريب الا بالخاشوكة ... فانت ابن عوائل

- اذا تلبس ساعة باليمنة ... فانت ابن عوئل

- اذا ورا ما تزين تخلي افتر شايف ... فانت ابن عوائل

- اذا ما يعجبك الردح وتسمع كله غربي ... فانت ابن عوئل

- اذا ما تدخن ... فانت ابن عوائل واذا تدخن وجكايرك اغلى من دينار وربع (1.75$) فانت ابن عوائل

- اذا لابسة خارطة العراق وانتي اصلا ما تعرفين ترسميها ... فانتي بنت عوائل فارتها وطنيات

- اذا انت لويجي فانت ابن عوائل ... واذا ما تعرف شنو لويجي ... فانت ابن عوائل

- اذا زارفة اذنج اكثر من زرف... فانتي بت عوائل

- اذا عمرج مغاسلة مواعين لانه تخافين على ايدج لتصير خشنة ... فانتي بت عوائل

- اذا وززنج اقل من 60 كغم... فانتي بت عائلة

- اذا مالازم بحياتك خشبة ولا كسارة... فانت ابن عوائل

- اذا تعرف البوي فريند على بابا... فانتي بت عائلة

- اذا تحب الاكل الايطالي... فانت ابن عوائل

- اذا كل مكددي يشوفك يجلب بيك .. فانت ابن عوائل

- اذا تطلب الاكل بمطعم بدون ما تباوع عالاسعار .. فانت ابن عوائل

- اذا كل ما تركص تحاول تسوي حركة السجاجين مال ملايين .. فأنت ابن عوائل كاتل روحك دتصير رداح وما رح تكدر

- اذا حافظ موعد اكثر من وقت لوصول ومغادرة الطيارات من المطار .. فانت ابن عوائل

عندك كرايب هم ولد عوائل

- اذا عندك لابتوب .. فانت ابن عوائل

- اذا سيارتك تشتغل على البصمة .. فأنت ابن عوائل مو تبيعي (طبيعي بس مال نازوكيه)

- اذا متقبل تشتري هدوم من جبل الحسين .. فانت ابن عوائل

- اذا تسافر لسوريا من عمان بالطيارة .. فانت ابن عوائل

- اذا تشيل موبايلين او اكثر .. فانت ابن عوائل

- اذا ميعرف يشرب بيبسي اله بكصبة هذا ابن عوائل مو شلون مجان

- اذا تحرك الكيم مال بليارد .. فانت ابن عوائل

- اذا تتعشين فواكه (علمود الدايت) .. فانت ببت عوائل

- اذا من تشوفين جاهل تكولين (اووووي) حبيبي .. فانتي ببت عوائل

- اذا تكولين (رايحة للجم) ومتكولين (رايحة لنادي رياضة) .. فانتي ببت عوائل

- اذا تروحين للمصور وتطكين صورة علمود تحطيها بالفيس بوك .. فانتي ببت عوائل

- اذا رقمج مال موبايل خاص .. انتي بت عوائل

- اذا مشترك او مشتركه بهذا الكروب فانت ابن عوائل

تحياتي الى ولد العوائل
ههههههههههههههههههههههههههههههههه

مووسة

زائر

واااي صدع راسي ميوس هذي اطنازه بس طويله شوي هههههه بس بصراحه روعه بعضها ينطبق علي المكياج والصبغات للشعر هذي انا اكيد ههههههه
تقبلي مروري الغلا

زائر

هههههههههههههههههههههه

حلوه ياميس حلوه تسلم ايدج على المشاركه الحلوه وربي متت من الضحك تحياتي

زائر

عزوووووووووووووز صدك عجبتك؟؟؟ الحمد الله اهم شي تكون مستمتع والضحكة متفارقك بس خللي غسان يقراها بلكت شوية يبتسم لان هو مقهور على خسارة الريال وانت عمي الله ربك من فوز لفوز منتخبك بببببببببخخخخخخخخخخخخخخخخخخخخخخخخخختتتتتتتتتتتتتتتتتتتتتتتتتتتتتتتتتت اللهم حسد واحنه النا الله بخسارتنه لان اني ريالية حاقدة....هههههههههههههههه.... تحياتي علاوي تشرفت بردك

زائر

ههههههههههههههه
ياحياتي ياحلاوي ولا كنس رديتي ههههههههههه
Razz

تسلمين ميسو على المشاركهـ اليبكـ يبكـ
منورهـ قسمي بمشاركاتس الروعهـ