رقبه وشعر ودورة وجه مثل الكمر رقبه وشعر من شاف قلبي ما صبر ظل يحرك بروحي حرك مدري حلم مدري صدك ثاري العشك ينبع بدلالي ويطك وانه ذبت واتخربطت لمن شفت اجمل فرك وسط الشعر اجمل شعر
بضحكة شفافج انسحر وينشال من كلبي القهر نظرة عيونج ثاقبه خليتي روحي معذبه يا مدلعه ويا معدله ويا مادبه دزج الهي من السما اجمل هديه اجمل هبه ولازم اقدمله الشكر لاجمل وجه واجمل شعر
العين حلوه مكحله ما غيرهه بعيني حله والشعر ينزل والزلوف فوك الوجه فوك الشمس مثل الكسوف نظرتهه تكتل لو تشوف وحاجبهه كوز بلا وتر رقبه وشعر رقبه وشعر
طولج تمايل سنبله وياج هلقلب ابتلى لا واقع ولا هو خيال البحر حبج والجبال طبعا دليلي ما كفى يا واعيه ويا ناضجه ويا مثقفه من علمج درب الهجر من علمج درب الجفه وياج دوختي البشر باجمل وجه واجمل شعر اجمل وجه واجمل شعر
نصار المرعب 14-8-2007
زائر زائر
موضوع: رد: قصيده غزليه الخميس يناير 17, 2008 1:51 pm
الله الله ابدا المرعب بس اعترف في منووو
شعر جميل اشكرك على مشاركتنا فيه
تقبل مروري
زائر زائر
موضوع: رد: قصيده غزليه الخميس يناير 17, 2008 7:15 pm
شكرا على المرور ارجو ان تكون القصيده اعجبتك
فاجئتني بموضوع الاعتراف !!! بعد ما نكتب شعر حتى لا نفضح كل اسرارنا
زائر زائر
موضوع: رد: قصيده غزليه السبت يناير 19, 2008 7:25 am
ههههههههههههههههههههههه
لا شاعرنا اكتب بس قولنا في منو عادي مابنقول لاي حد ههههههههه
موضوع: قصيده غزليه 
