مساء الورد وانفاس العبير وسحرك الفتان ..
مساء الحب واحساس الغرام وسلهمة عينك ..
مساء الشهد وانهار الخدود ولوحه الفنان ..
مساء الجيد والغصن الرطيب وفلسفه زينك ..
مساء الخصر لامنه تمايل يعزف الالحان ..
على نغمة وتر قلبي من اشعارك وتلحينك ..
عذوبة صوت خنجر موت يجرح لهفة الولهان ..
بديع احساس عقد الماس تسلم طلة سنينك ..
ياريح الهيل والبن اليماني ونكهة الريحان ..
تفوح بريحة انفاسك اليا من قلت لي وينك ..
انا والله اذا شفتك اهيم بقدرة الرحمن ..
كان الورد ربي زارعه في وسط خدينك ..
اضيع بضحكتك واسرح برسمة غصنك الرويان ..
ابي اكل عنب خدك واحلي بخوخك وتينك ..
احسك في (سلامه) كل مافضفض عن الكتمان..
واعيشك في شجن (عبدالكريم) ان غمضت عينك ..
على (عبد الحليم) اطرب معاك بقمة الاشجان ..
واذا (خالد) بعد غنى ..كانه من محبينك..
تصول بخاطري وتجول وحدك مامعك خلان ..
كانه القلب من كثر الغلا مرهون بيدينك ..
ابي حضنك يعوضني ينسيني شقا الحرمان ..
ابي تزرعني في قلبك مثل فلك وياسمينك ..
------------------------------
------------------------------
موضوع: الي حبيبتي ليييييينا 