هلي بيه دروا كَمت أنا أحبك ودروا بس أنت تلفتلي أنتباهي
هلي يدرون من تتزاعل وياي أظل أصرخ رحمتك ياألاهي
هلي نشدوني عنك وكَلت بالروح ونشدوني عالروح وكَلت ماهي
وأنت هواي متغير هالأيام واللي براسك حجوا أنا عرفتهم
نفسهم هم أجوا وأتقربولي دكَوا باب كَلبي وطردتهم
ليش لأن تقديرك أنت فوك عالراس أحطهم وين أنا لو قدرتهم
أنت ماتجي بس أنا أشوفك وهمه أشكد أجوا بس ماشفتهم
لأجل حالك أنا بهذلت حالي وحالي يكَول يلة المهم حالك
ودلالك زاد زيدلي أذيتي وأذيتي جمالة هم تحب دلالك
ياشابع نوم والله قراية قاريك مدري شماني وأدري شمالك
كَالولك كَبل عندي علاقات غيرك عاشكَ أنا هواي أسامي
عشكَت غيرك نعم بس تدري شلون عشكَتهم مو صدكَ وأنا بأحلامي
وانا عندي قصد حبيت غيرك حتى أمتلك خبرة في غرامي
صار سنين أحضر وأقرأ لهواك وصار سنين أحظر في كلامي
لأن مايصير أحبك مثل غيرك وأنا الضامك لأخر أيامي
أنا الحبيتهم جانوا بروفات حتى أنت تظل مسك الختامي
عليك أتطوطحت صاحي مو سكران وأنا أول محب سكران صاحي
دوام أهل المدارس وكت واحد ودوامك بالكَلب عصر وصباحي