احبـــــــــــــــــــــــك
احبك مو محاجي السان احبك وانته تدريني
واحسنك نبض بالروح دم يسري بشرايني
اصيح عليك لاتبعد لا تمشي وتخليني
اشبن واشتعل واطفه وترد تشعل جوانيني
شوصفلك عظم هجرك حبيبي هواي ياذيني
ما جنك هذاك الطيف اليجعدني ويمنيني
ولا جنك هذاك انته الجنت سلوه وتسليني
شجاك وبدلت طبعك حبيبي وصرت تجفيني
شبدالك مني يمعود تعال اكعد وحاجيني
وكلي شصار من عندي ونسيت البينك وبيني
تجرعت الصبر بعدك وصبح زادي اليغذيني
تشور بالك الخبزه ونت شارب دمع عيني
تخضب جفوفك الحنه وآنه دموعي التحنيني
وتكلي انسه هوانه الراح شلون انسه شينسيني
عساهه بحظك وبختك عساك بضيعت سنيني
تحياتي الى الجميع اتمنى ان تنال اعجابكم علما تره مو اني كاتبه منقوله
القزوينـــــــــــــــــــــــــــــــــــــــي
موضوع: احبــــــــــــــــــــــــــــــــــــــــــــــــــــــــك 