هي تانيتك بأشواق عاشك يحب حيل وعيوني من ماجيت صبن دمع سيل هو ادري بيج انتي اشواق وكلج مشاعر ودري الوفاء البيج يا حلوه نادر هي ما كتلي يلمحبوب شلسبب ما جيت ونته عله وعدك دوم لا ما تخليت هو لمن اكلج جاي ما اخلف اوعود والكلب بس وياج يا سلوتي يهود هي تسحرني يالمحبوب نشوة كلامك ما ادري ليش الروح تضعف امامك هو مو ضعف هذا البيج اجمل عواطف حاطتني بالاسلاك خلتني خايف هي لا لا تخاف يهواي بالكلب بيتك موقصدي آنه ارهاب من حوطيتك هو مو كلبج السجان خلاني مجتوف واخباره هذا اليوم ذاعتني مخطوف هي هذا العشك يهواي رايدله ساعد اخطف حبيبي بليل واكسب مقاعد هو تكسب مقاعد زيف مو ينحسب بوك كلمن يريد هواه يقرعله صندوك هي شلقصه يلمحبوب صارت سياسه العشك موش احزاب كلمن وفاسه هو لا يابه منهو الجاب طاري السياسه بس الوطن محتاج شوية حراسه هي خلينه بالموضوع لاتبعد بعيد ليش الكلام وياك يحبيبي ميفيد هو ما اكدر اسكت ضيم وبصدري ياكل شفت الورد مذبوح تضحك مناجل
هي ادري الكلام البيك يحبيبي بيه كلمة محبه نريد تحرسنه هيه هو انتي النقاء البيج يحبيبه صافي يكفيني آنه وياج وبعشك دافي هي بس يا حبيب الروح ماجاوبتني ليش خلفت يا سيف مو واعدتني هو ما كتلج آنه اليوم من جيتج اصار صار انفجار ارواح والموته طشار هي سولفلي يلمحبوب شنهو القضيه ؟ وشلونك انته بخير لو بيك اذيه ؟ هو اتحزميت بزود وآنه العراقي شلت اليصيح بصوت والبعده باقي هي ادري انته بالشدات بالغيره تلهب والوطن من يحتاج تدوي وتشب شب هو شفت الوطن مكسور مجروحه عينه بس كتله عد عيناك ناوشني ادينه هي الف السلام عليك ياوطن سالم واسم الله عل المحبوب من رجع غانم هو هاذه الجرالي اليوم هوّه المنعني حب الوطن والناس منّج أخذني هي هاي المعاني البيك خلتني احبك لوما الاصاله البيك لا ما اودك هو صح آنه احبج موت بس الوطن اب لوما نحب لعراق هم نعرف انحب هي هسه الكلب مرتاح صح اختياري حجيك نزل كلماي طفالي ناري هو انتي الحبيبه الدوم يهواهه كلبي وجهج ورد ونوار ضوالي دربي هي هاي الرجوله البيك خلتني اصبر وعله الوعد مو يوم كل عمري انطر هو موعدنه ما أنساه لابد اجيلج وبلهفة المحبوب اركض وشيلج
زائر زائر
موضوع: رد: لاتكول شله علاقه بالسياسي اقرأ للنهايه الإثنين مارس 17, 2008 5:19 am
هاااااااااااااااااااااااي شنوووووووووووووووووووووو؟؟؟؟؟؟؟؟؟؟؟ تجننن تخبل مو طبيعية عاشت الايادي وين مشرفنا عن هذه المساهمة ؟ رهييبة عن جد عجبتني ...تحياتي مساهمة جدا ملفته...ميس
زائر زائر
موضوع: رد: لاتكول شله علاقه بالسياسي اقرأ للنهايه الإثنين مارس 17, 2008 5:21 am
حلوووووووووه خيتوو بالفعل اللي مافيه خير لبلده مستحيل يعرف يحب
تقبلي مروري
زائر زائر
موضوع: رد: لاتكول شله علاقه بالسياسي اقرأ للنهايه الإثنين مارس 17, 2008 5:54 am
تجنن تهبل تخبل توسع الصدر اااااااااااا شنو بعد كل الكلام مايكفي تقبلي خشوشي
موضوع: لاتكول شله علاقه بالسياسي اقرأ للنهايه 