احبك بغداد العراق

زائر

مايذل لاهيــــــــهات ابنج يبغداد
بأخر نفس ويصيح منصوره البلاد

باخر نفس ويصيح منصوره بغداد
وعاشت بلاد الخير يادار الامجاد

عاش العراق انصيح عاشت فراتي
واصرخ بعالي الصوت دجله حياتي

دجله وفرات الروح والكلب ذي قار
وعماره عيني اتصير والجسد انبار

كربله تصيح بصوت ارض العقيده
اليمس حدي اليوم نكسره ايده

صبت دمع ذي قار كالت حسافه
وانحنت لمن طاح جسر الرصافه

يتعلم علم هالناس من علم اشور
وكل عالم يكلك روح اتعلم ب اور

روح انشد التاريخ عن الحضاره
تلكه بحبر مكتوب بغداد المناره

نصرخ نصيح ابصوت والباري شاهد
واحد عراق الخير والشعب واحد

تلطم تدك عالراس دجله وتنادي
لوني احمر صار من دم بلادي

رددت فرات بصوت واحد شعبنه
سنه وشيعه اخوان كرد وعربنه

أنشد الضمير وصاح من شط عربنه
سنه وشيعه اخوان نحرر بلدنه

زائر

الله يفرجها على العراق

مشاركة حلوه بنت الرافدين

تقبلي مروري

تحياتي

زائر

ياربي يحفط بغداد ويحفظ امة محمد

الله يفرجه عن كل العراقيين

تسلمين حبي وعاشت ايدج على شعر الجميل

تحياتي يويو